"საქართველო ერთგული რჩება რუსეთთან ურთიერთობის ნორმალიზაციისა" - გიორგი კვირიკაშვილი

საქართველოს საგარეო საქმეთა მინისტრი ბელგრადში იმყოფება, სადაც ეუთო-ს 2015 წლის მინისტერიალი იმართება. გიორგი კვირიკაშვილი პლენარულ სესიაზე სიტყვით გამოვიდა და გლობალური უაფრთხოების საკითხებზე ისაუბრა.

მან რუსეთის მხრიდან ევროპის უსაფრთხოებისა და საერთაშორისო სამართლის ძირითადი პრინციპების დარღვევაზეც გაამახვილა ყურადღება. საუბარი შეეხო საქართველოს ევროატლანტიკურ მისწრაფებებსა და 2016 წლის საპარლამენტო არჩევნებს.

გიორგი კვირიკაშვილმა ოკუპირებულ ტერიტორიებზე არსებულ ვითარებაზეც მიაწოდა მონისტერიალის მონაწილეებს ინფორმაცია.

"მოსახლეობას ჩამოართვეს სამოქალაქო, სოციალური და ეკონომიკური უფლებები, მათ შორის თავისუფლად გადაადგილებისა და საკუთრების უფლება. ისინი ვერ ახერხებენ შეისწავლონ ქართული ენა აფხაზეთში, გალის რაიონში. 11 სკოლაში, ქართული ჩანაცვლდა რუსულით. ვითარებას განსაკუთრებით ართულებს საერთაშორისო მონიტორინგის მექანიზმის არარსებობა ოკუპირებულ რეგიონებში. გვინდა კიდევ ერთხელ დავადასტუროთ, რომ საქართველოში კრიზისი მშვიდობიანად უნდა მოგვარდეს, ქვეყნის სუვერენიტეტისა და ტერიტორიული მთლიანობის დაცვით. საქართველო ერთგული რჩება რუსეთთან ურთიერთობის ნორმალიზაციისა და კონფლიქტის მშვიდობიანად დარეგულირების გზების. განვაგრძობთ ჟენევის საერთაშორისო დისკუსიებში მონაწილეობას," - აღნიშნა გიორგი კვირიკაშვილმა.