პარლამენტი მოწმეთა დაკითხვის წესთან დაკავშირებით მთავრობის ინიციატივით შემუშავებული კანონპროექტის განხილვას იწყებს. დოკუმენტს დღეს ადამიანის უფლებათა დაცვის კომიტეტში განიხილავენ.
ცვლილებები უკავშირდება გამოძიების პროცესში პირის გამოკითხვისა და მოწმის დაკითხვის პროცედურებს, რომლის მიხედვითაც, მოწმეს ექნება თავისუფალი არჩევანის უფლება, მისცეს ან არ მისცეს ინფორმაცია გამომძიებელს ან დაცვის მხარის წარმომადგენელს თუ მას ეს არ სურს.
იმავდროულად, კანონპროქეტი ითვალისწინებს ბრალდების მხარის უფლებას, გამოძიებისას შუამდგომლობით მიმართოს მაგისტრანტ მოსამართლეს, მისი თანდასწრებით მოწმის სახით დაკითხოს პირი, რომელსაც შეიძლება ჰქონდეს მნიშვნელოვანი ინფორმაცია დანაშაულის შესახებ.
კანონპროექტთან დაკავშირებით შენიშვნებით აქვთ უმრავლესობასაც და ოპოზიცისაც, მათ შორის ახალი წესის გადავადებაზე.
"ქართულ ოცნებას სურს სამართალი თავის თავზე მოირგოს. ეს არის კიდევ ერთი მცდელობა, რომ მათ პოლიტიკური მიზნებიდან და მიზანშეწონილობიდან გამომდინარე კანონიც და აღასრულონ სამართლიანობაც," - აცხადებს ნაციონალური მოძრაობის წევრი ზურაბ ჭიაბერაშვილი.
