Медьковонь 6-це чистэ Днепр леенть чиресэ юты Белоруссиясо пек содавикс «Купалье» покшчи. Ушодксозо моли Иван Купала славянонь кезэрень покшчинть эйстэ. 15 иетнень перть покшчись юты «Александрия собирает друзей» фестивалень лувсо. Белорусь республикань участниктнень ютксо кармить Узбекистан, Азербайджан ды лия республикасто инжеть.
Васенцеде эсест шкинемаст «Купальский венок содружества» невтемасо-микшнемасо невтить ды ютавтыть мастер-класст Мордовиянь кедьчелькев ломантне.
Рузаевкань буень эрицясь Светлана Сараева панжсы раськень викшневксэнь ды човалясто мазыльмань кодамонь салавачитнень. Теке жо буень эрицятне Татьяна Китаева – кедьсэ кодамонь, а Екатерина Буряк – нулань някань теемань коряс. Ковылкинань Павел Акульшин кедьчелькев цёрась яви мель чувто ланга керсемантень, Зинаида Кимеева – човалясто коень кодамонтень.
