Саха Сирин Аар Дархан этээччитэ, Саха Сирин култууратын үтүөлээх үлэһитэ, Ньурба улууһун бочуоттаах олохтооҕо Розалия Тихонова быйылгы Туймаада ыһыаҕар ыытыллыбыт Ытык Оһуохай күрэҕин туһунан биһиэхэ санаатын үллэһиннэ: — Быйылгы күрэх хаһааҥҥытааҕар да холку, дэлэгэй, кыттааччылар бары да киэҥ көҕүстээх, тулуурдаах, киирсэрдии оҥостон кэлбиттэр, саҥа этээччилэр бэйэлэрин ииттинэн холонон бэрт дьоһун […]
Сообщение Оһуохай күрэҕин туһунан Аар Дархан этээччи Розалия Тихонова санаата появились сначала на Сетевое издание SAKHALIFE.RU.
Саха Сирин Аар Дархан этээччитэ, Саха Сирин култууратын үтүөлээх үлэһитэ, Ньурба улууһун бочуоттаах олохтооҕо Розалия Тихонова быйылгы Туймаада ыһыаҕар ыытыллыбыт Ытык Оһуохай күрэҕин туһунан биһиэхэ санаатын үллэһиннэ:
— Быйылгы күрэх хаһааҥҥытааҕар да холку, дэлэгэй, кыттааччылар бары да киэҥ көҕүстээх, тулуурдаах, киирсэрдии оҥостон кэлбиттэр, саҥа этээччилэр бэйэлэрин ииттинэн холонон бэрт дьоһун түһүлгэни таһааран дьон биһирэбилин ыллылар.
Таатта, Мэҥэ, Илин эҥэрдэр лаппа тупсубуттара, кыттааччылара элбээбитэ киһи сүргэтин көтөҕөр.
Эдэр дьону быһа этиллибэт буолан баран быйылгы ыһыах оһуордаах оһуохайын киэргэттилэр, кэрэ аҥардары чорботон эттэххэ табыллар, бары бииртэн биир кэрэ, күүстээх куолас, таһымнара туох да диэбит иһин эр хоһууттартан үрдүк таһымҥа сылдьаллара харахха быраҕыллар. Этиилэрэ — тыыныылара, алгыстара эккэ — хааҥҥа иҥэрдии, киһи дьулайын ортотунан киирэрдии ситимнээн этиилэрэ дьахтар аймах көмүскэстээх санаалаах айыы оҕолорун тоҕус ый илдьэ сылдьан орто дойдуга иэйэн-куойан таһааралларыттан, алаһа дьиэ араҥаччыта буолалларыттан эҥсилгэннээх тыл — өс тахсар дии санаатым.
Долгуйдум, үөрдүм, астынным быйылгы Оһуохай тыла-өһө күүһүттэн, күүрээниттэн.
Бары кыттыбыт уус — уран тыллаахтарга баҕарабын иитиллибит ийэ иһирэх тылларгыт иннигитигэр эккирээн дьылы-сылы уһуордаан, күнтэн күүһү эбинэн охтон биэрбэт саргыгыт салаллан, аалгыт баһа арылыннын, кэнчээригит кэхтэн биэрбэт кэскилин кэҥэтэ, тэнитэ туруҥ диэн алгыс тылбын аныыбын.
Күрэхпит бэрт астыктык тэриллибитигэр, ааспытыгар Оһуохай түмсүү салайааччытыгар Александр Джурович Даниловка — Дьулуур Хааҥҥа, Дьокуускай баһылыгар Евгений Григорьевка, Саха Сирин Бырабыыталыстыбатын бэрэссэдээтэлин солбуйааччы Сергей Местниковка, Ил Дархаммытыгар Айсен Николаевка барҕа махтал буолуохтун, куруук маннык өйөбүл буола сырыттыннар!
Сообщение Оһуохай күрэҕин туһунан Аар Дархан этээччи Розалия Тихонова санаата появились сначала на Сетевое издание SAKHALIFE.RU.
