Գիշերն Ազատության հրապարակում անցել է առանց միջադեպերի
Գիշերն Ազատության հրապարակում անցել է առանց միջադեպերի, ոստիկանությունը չի փորձել խոչընդոտել ընդդիմադիրներին, սակայն այդպես էլ նստացույցի մասնակիցներին չի թույլատրել վրաններ տեղադրել:
Ինչպես հայտարարել է «Ժառանգության» փոխնախագահ Արմեն Մարտիրոսյանը, այս գիշեր հրապարակում գիշերել է ավելի քան 2 տասնյակ մարդ: Նա նաև հավելել է, որ ակցիաների ժամանակացույցը չի փոխվել. ժամը 12:00-ին կկայանա «Նոր Հայաստանի» առաջնորդների հերթական մամուլի ասուլիսը, իսկ 17:00-ին` ՀԱԿ-ի և ՀԺԿ-ի հետ համատեղ հանրահավաք:
Հիշեցնենք, որ Ազատության հրապարակում շուրջօրյա բողոքի գործողություններն սկսվել
են դեկտեմբերի 1-ի բազմամարդ հանրահավաքով: «Նոր Հայաստանի» հանրային փրկության ճակատի ընդդիմության միասնական շտաբի պետ Ժիրայր Սէֆիլյանը հայտարարել է, որ այդ ակցիաները իշխանափոխության գործընթացի սկիզբն են: Նա հավելել է, որ ճակատը թույլ չի տա բարեփոխումների անցկացում: Իսկ ոստիկանությունը պարբերաբար ակցիայի մասնակիցներին կոչ է անում չդիմել ապօրինի գործողությունների և գործել օրենքի շրջանակներում: -