NATO-ს ახალ კომუნიკეს ცოტა ხნის წინ საქართველოს თავდაცვის მინისტრი თინა ხიდაშელი გამოეხმაურა. იგი აცხადებს, რომ კომუნიკეში საქართველომ დადებითი შეფასება დაიმსახურა.
ხიდაშელს მიაჩნია, რომ მონტენეგროს გაწევრიანების საკითხი საქართველოსთვის და სხვა ასპირანტი ქვეყნებისთვის ოპტიმიზმის საფუძველია.
"2009 წლის შემდეგ ნატო არ გაფართოებულა. დღეს 6 წლის შემდეგ გააქტიურებული, მოძლიერებული რუსეთის პირობებში შესაძლებელი გახდა ნატო-ს მოწვევა გაიგზავნა მონტენეგროსთვის. მონტენეგროს გაწევრიანება არის უზარმაზარი ოპტიმისტის საგანი ასპირანტი ქვეყნისთვის და მათ შორის საქართველოსთვის.
"ამ კომუნიკეს თუ წავიკითხავთ საქართველოს აქვს ყველაზე მაღალი შეფასება დემოკრატიული რეფორმების შენარჩუნებაში. პირველად გაჩნდა კომუნიკეში ჩანაწერი საქართველოს წევრობის გზაზე დადგომის შესახებ,"- აცხადებს თინა ხიდაშელი.
