“მე წელს არც ერთი თეთრი პრემიის სახით არ ამიღია“, - თეა წულუკიანი
“მე წელს არც ერთი თეთრი პრემიის სახით არ ამიღია და ვიცი, რომ თუკი ავიღებ, ამას შეიძლება მოჰყვეს კითხვის ნიშნები,“ - ეს განცხადება იუსტიციის მინისტრმა თეა წულუკიანმა გააკეთა.
თეა წულუკიანმა ასევე განაცხადა, რომ დანამატების სისტემა მთლიანად ვერ მოიშლება.
„რაც არ უნდა ბევრს და კარგად ვმუშაობდე, პრემია, რომელიც გამოიწვევს კითხვებს , ასეთი პრემია არ მინდა. ვიმუშავებ ისე, ჩემი ქვეყნის პროგრესისთვის და ეს მე მეამაყება,“ - განაცხადა თეა წულუკიანმა.
მინისტრმა, მედიაში გავრცელებულ ინფორმაციაზეც გააკეთა კომენტარი, რაც უზენაესი სასამართლოს თავმჯდომარის მიერ დიდი რაოდენობით დანამატის აღებას ეხებოდა.
„რაც შეეხება უზენაესი სასამრთლოს თავმჯდომარეს, ეს არ არის ის თემა, რომელიც მე უნდა შევაფასო, რადგან აღმასრულებელი ხელისუფლების წევრის მხრიდან, მოსამართლის ხელფასის და დანამატის შეფასება არ იქნებოდა სწორი,“ - განაცხადა თეა წულუკიანმა.