იუსტციის მინისტრი ადვოკატთა ასოციაციის თავმჯდომარის მიერ დღეს გაკეთებულ განცხადებას ეხმაურება. ზაზა ხატიაშვილს ვაკანტურ თანამდებობეზბე ახალი მოსამართლეების უკონკურსოდ დანიშვნასთან დაკავშირებით აქვს პრეტენზიები. მას კითხვები ძირითადად კანდიდატების შერჩევის კრიტერიუმებთან დაკავშირებით აქვს.
ზაზა ხატიაშვილის მტკიცებით, იუსტიციის უმაღლესი საბჭოს მდივანს ლევან მურუსიძეს უპირებენ უვადოდ დანიშვნას.
იუსტიციის უწყების ხელმძღვანელის განმარტებით, მურუსიძის კანდიდატურის შესახებ ინფორმაცია არ აქვს. თეა წულუკიანის განმარტებით, მართლმსაჯულების რეფორმას საფრთხე არ ემუქრება.
"თუ ეს ასეა, ამ თემაზე კიდევ უფრო მეტად გამჭვირვალედ უნდა იმსჯელოს იუსტიციის უმაღლესმა საბჭომ, რათა კითხვის ნიშნები არ დარჩეს იმ პროცესთან დაკავშირებით, რაც მის კანდიდატურას შეიძლება უკავშირდებოდეს. მართლმსაჯულების რეფორმას ვერაფერი დაუდგება წინ. ადეიშვილი რომ გაცოცხლდეს, ისიც ვერ დაუდგება მართლმსაჯულების რეფორმას წინ. ეს პროცესი დაწყებულია, პოლიტიკური ნება არის მყარი, რომ მართლმსაჯულების რეფორმა მივიდეს ბოლომდე", - თქვა წულუკიანმა.
