Панжиковонь 9-це чиденть икеле Изнямонь Музеесь ютавты «Изнямонь открытка» Раськеютконь коень пелькстамо. Эсест артовксост Россиянть эрьва кодамо таркасто ды лия масторсто кучизь 17 тёжадо ламо шкинев ломанть. Пелькстыцятнень ютксо улить Мордовиянь вишка эрицяткак. Те иень шкинемань пелькстамонь прявт темась – «Раськень Подвигесь». Ёроковт ды ушодыця артыцятне кучизь важодевксэст, конатнесэ артызь откертнень, вейсэнь Изнямос путовксонь теицятнень. Артомань невтемасонть мереви неемс ушмантнэнь тюреманть, аватнень ды эйкакштнень заводтнэсэ важодеманть, передовойсэ музыкантнэнь морамонть, тюремань паксятнестэ ранявозтнень медсестратнень вийсэ ливтеманть, куродомасо кирдевиця оштнесэ содыйтнень важодаманть», — тешкстызь Изнямонь Музейсэнть.
Максомс эсь вайгеленть вечкевикс важодематнень кис мереви панжиковонь 1-це чис сайтсэ. Тесэ жо мереви кучомс открытка раськетненень ды малавикстнэнень.
Пелькстамонь цётамотнень пачтясызь панжиковонь 2-це чистэ. Вете артовкстнэ, конат иень коряс эсест категориятнесэ пурнасть седе ламо вайгельть, теевить изницякс «Приз зрительских симпатий» номинациясо. Весенень максовить лемень сертификатт, изницятнень тердьсызь Изнямонь Музейс каземань покшчис. Шкинемань пелькстамонь ютавтыцясь Изнямонь Музеесь, РФ-нь оборонань Министерстванть, «ЮНАРМИЯ» молеманть, «ВОИН» военно-спортонь анокстамонь куншкакуронть, «Волонтеры Победы», «Аргументы Недели» ды «ЭксмоДетство» издательстванть марто вейсэ.
