Еша уӆты Асна ноптаӆты пора ёхатаӆ. Ӆуңан Саңхамкуртаң ёх Хишпана касаӆӆат. Саңхамкурт эӆты, йиңк хуват, ноптаӆты панэӆ унты 207 километра манӆат. Куртна ин няӆ семья уӆ. Ӆуңан Хишпанан ноптаӆӆат, таӆан па Кунават муван вой-хуӆ веӆпасӆаман уӆӆат. Ӆоркурта па Горка воша ёхтыӆыӆат мосятам хуӆӆаӆ-войӆаӆ матыя, ӆэтот ӆуттыя, хиӆыӆаӆ щутщаты хатӆата тутыя. Саңхамкуртаң ёх воӆаң ёӆан ант уӆӆыӆат, кашң хатӆ веӆпасӆаман яңхӆат. Хоты ин уӆӆат, муй верӆат — щит эӆты Кристина Устиновна Тоярова каматса ясаң таксофон мохты ястас: «Ин ийикем, Тимофей Аӆексеевич, веӆпасӆаты хотӆаӆ ӆэщатты манас, хащам ӆэтотӆаӆ нох вуты. Ванты, ӆуң сыс нэмоӆты вой вана ант ат ёхтас. Таӆ кеша юх эватты. Веӆпасӆаты пормасӆаӆ туңа-щира йи тахая понты». Тухаӆ ишан вой каншман 30-40 киӆометра куран па ӆонщхопан яңхӆат. Охсар, ӆоӆмах, нёхас, ӆаңки, ондатра, ӆэпак таӆ сыс мощатыӆат. Саңхамкурт эӆты, йиңк хуват, ноптаӆты панэӆ унты 207 километра манӆат. Хор: Альбина Тырлина. Ин тыӆащ моӆтас хащас Аса касаӆты унты. Патан туты пормасӆаӆ акатӆаӆӆаӆ. Хоӆапӆаӆ, хопӆаӆ, ӆупӆаӆ па мотурӆаӆ ӆуң сыса ӆэщатӆаӆӆаӆ. Ин Ун Аса туп ун йиңк питтыйн ёхатӆат, ханты хуӆ веӆпасӆаӆат. Аллина Тоярова ханшам потар
