Теевсть содавикст этнокультурань, санаториянь ды шумбрачинь витемань туризмань оштнэнь лементь кис пелькстыцятне. «Туристические города» весе Россиянь I-це премиянь финалс лисицятнень ютксо «Город этнокультурного туризма» — Мордовия Республикань прявтошось. Эряви тешкстамс, этнической туризмась – минек республиканок туртов прявтнэнь эйстэ вейкесь.
Музейтнесэ, театратнесэ ды культурань лия объекттнесэ мереви содавтовомс региононь культуранть ды эрямонь ёнкстнэнь марто. Сарансо пурнавозь аволь аламо этнотуризмань таркат, тематикань экспозиция марто музейть: С.Д. Эрьзя лемсэ изобразительной искусствань Музеесь; Мордовиянь республикань вейсэндявозь И.Д. Воронин лемсэ краеведениянь музеесь; раськень культурань Музеесь; Мордовиянь государствань раськень драмань театрась ды лият.
«Туризм и индустрия гостеприимства» раськень теварсевксэнть лувсо раськень туристэнь «Зов торамы» маршрутсо грантонь лезксэнть вельде невтевить раськень эрямо ёнкс, культура ды ярсамонь ниле тарка марто объектт. «Туристические города» весе Россиянь I-це премиянь финалось юты Воронежсэ эйзюрковонь 28-30-це читнестэ.Те казнесь максови панжадо пелькстамонь цётамотнень коряс Россиянь муниципальной образованиятненень эли эрямонь башка таркатненень.
