«Россиянь эйкакшт» фотопелькстамось ушодовсь (эрзя)
Ушодовсь «Дети России» фотопелькстамос яволявтоматнень максомась.
Теварсевксэнь прявт тевесь – мельга молиця раськетненень раськень оршамопеленть вельде невтемс минек масторонь ламо раськетнень мазычинть ды культуранть, истя жо Россиянь кудораськетнесэ раськень культурань вельмевтемантнень мелень явоманть.
Пелькстамос, кона ютавтови межэтнической журналистикань Гильдиянть вельде, тердевить Россиясо весе эрицятне. Яволявтоматнень марто эряви кучомс тетятнень-аватнень пельде эйкакшонть те пелькстамосо невтемадо мерема, истя жо колмо фотоневтемадо аволь седе ламо фотот, косо кармить Россиянь раськетнень оршамосо 14 иес эйкакшт.
Яволявтоматнень мереви кучомс панжиковонь 15-це чис, электронной вейке паргосто мереви кучомс вейке пелькстыцяс ансяк вейке яволявтома. Изницятнень лемест ёвтавить эйкакшонь ванстомань чистэ аштемковонь 1-це чистэ. Васенце лауреатонть кочкасы жюрись, омбоценть — вайгелень максомань коряс пелькстамонь сайтсэ кочкасызь ваныцятне. Редакциянть пельде поладомань казне максови сехте кезэрень оршамопеленть кис.