Яӆап таӆ тыӆащ хольмаң пеӆа ветмет хатаӆан Государственной Дума партапса верас. Антет, ащет, шукащты няврэмат энмаӆты хоятат, хутхощъяң таӆ унты няврэм тайты хоятат утща хащты юпийн, рупатаеӆ эӆты пуңӆа вуты ант рахаӆ.
Еӆпи, щимащ партапса хуват няӆхощъяң таӆа йиты унты няврэм антеӆ-ащеӆ сайӆаты верытас. Ин щи партапса хутхощъяң таӆ унты оӆса. Хутхощъяңмет таӆ ӆоват няврэм хоӆна ашкуӆайн утаӆтыйӆ, рупитты нэмоӆты хоӆта ант вуӆа. Ипуш верты рупатайт верты туп верытаӆ. Хоттэӆ няврэм энмаӆты утща хащам ун хоят, рупатайӆ эӆты пуңӆа вуӆа ки, няврэмӆаӆ хойн ӆапатты питӆайт? Ӆэтот кеман ох хоӆща вуӆат? Щит ураңан щимащ партапса номпса вуса.
Там партапса Федерация Советан туңмаӆӆа па Хон мув кущаев ёш пос понты юпийн велщи юраңа йиӆ.
Зоя Куртямова ханшам потар
