Ժապարովի եւ Փաշինյանի միջեւ այսօր տեղի ունեցած հեռախոսազրույցի մասին հայտնել է Ղրղզստանի ղեկավարի մամուլի ծառայությունը։
«Հեռախոսազրույցի ընթացքում Փաշինյանը ափսոսանքով է նշել, որ մի շարք հանգամանքների բերումով չի կարող մասնակցել ԱՊՀ առաջնորդների գագաթնաժողովին»,- Ինտերֆաքսի փոխանցմամբ՝ ասված է հաղորդագրությունում:
Ավելի վաղ Մոսկվան փորձում էր Ռուսաստանի, Հայաստանի եւ Ադրբեջանի ԱԳ նախարարների հանդիպում կազմակերպել հոկտեմբերի 12-ին Բիշքեկում: Սակայն Հայաստանի արտաքին գործերի նախարարությունից հայտնել էին, որ Բիշքեկում նախատեսված ԱՊՀ ԱԳ նախարարների խորհրդի նիստին կմասնակցի ոչ թե ՀՀ արտգործնախարարը, այլ նրա տեղակալը: