«Նիկոլ Փաշինյանը բարձր է գնահատել հայ ժողովրդի համար դժվարին իրավիճակում պարոն Փիթերսի այցը Հայաստան եւ ընդգծել ԱՄՆ աջակցության կարեւորությունը` ստեղծված խնդիրների հաղթահարման գործում:
Սենատոր Փիթերսը մտահոգություն է հայտնել Լեռնային Ղարաբաղում տիրող ծանր հումանիտար իրավիճակի կապակցությամբ եւ ընդգծել հումանիտար օգնության` սննդի, դեղորայքի եւ այլ էական պաշարների տեղ հասցնելու անհրաժեշտությունը։
Նա իր տպավորություններն է կիսել Սյունիքի եւ Վայոց ձորի մարզեր կատարած այցերից, վերահաստատել է Միացյալ Նահանգների աջակցությունը Հայաստանի տարածքային ամբողջականությանը»,- ասված է կառավարության հաղորդագրությունում: