Honor 80 və 80 Pro ilə birlikdə yeni seriyanın daha gənc modeli olan Honor 80 SE-nin təqdimatı baş tutdu. Cihaz həm xarici, həm də texniki cəhətdən «böyük qardaşlarından» əsaslı şəkildə fərqlənir. Onun əsas üstünlükləri arasında yüksək yeniləmə sürətinə malik ekran, 64 meqapiksellik kamera və sürətli şarj dəstəyi var.
Honor 80 SE smartfonu 2400×1080 piksel təsvir ölçülü və 120Hz yeniləmə tezliyinə malik 6,67 düymlük 10 bitlik OLED-displey əldə edib. Smartfon orta səviyyəli MediaTek Dimensity 900 prosessoruna əsaslanır. Maksimum konfiqurasiyada 12 GB RAM və 256 GB yaddaş ilə təchiz edilmişdir. Muxtariyyətə cavabdeh 66 Vt sürətli şarj dəstəyi ilə 4600 mAh batareyadır.
Əsas kameranın təsvir ölçüsü 64 meqapikseldir. Bundan əlavə, 5 meqapiksellik ultra geniş bucaqlı kamera və ayrıca makro kamera da var. Smartfonun ölçüləri 161,3 x 73,4 x 7,7 mm, çəkisi isə 175 qramdır. NFC modulu spesifikasiyalarda qeyd olunmayıb. Cihaz MagicOS 7.0 mülkiyyət interfeysinin yeni versiyası ilə Android 12 əməliyyat sistemində işləyir.
Çində Honor 80 SE-nin qiyməti 8+256GB versiyası üçün 335 dollardan, 12+256GB versiyanın qiyməti isə 377 dollardan başlayır.
Bizi Telegram kanalımızdan da izləyə bilərsiniz. https://t.me/infocity_az
The post Honor 80 SE: 120Hz ekran, 64MP kamera və 66W şarj appeared first on InfoCity.
