Մեկնարկել է IT Chess Cup 2022 շախմատային մրցաշարի գրանցման փուլը: IT Chess Cup-ը միավորում է ՏՏ համայնքին՝ զարգացնելով տեխնոմարդկանց շախմատային մտածելակերպը:
Այս տարի մրցաշարի բացման արարողությունը կլինի սեպտեմբերի 16-ին Synergy Armenia-ում, մրցաշարը կմեկնարկի սեպտեմբերի 17-ին ժամը 11:00-ին Հայաստանի շախմատի ակադեմիայում:
IT Chess Cup-ի մասնակիցը դառնալու համար հարկավոր է ունենալ 3 մասնակցից բաղկացած տեխնոթիմ (կարելի է ունենալ 1-ից ավելի թիմ):
Մրցաշարին կարող են մասնակցել Հայաստանում գործող եւ պետռեգիստրում գրանցված բոլոր ՏՏ, ինչպես նաեւ ՏՏ բաժիններ ունեցող ընկերությունները:
Գրանցումը բաց է մինչեւ սեպտեմբերի 14-ը, հայտը լրացնել հնարավոր է այստեղ։
Մասնակցության արժեքը մեկ թիմի համար 80 000 դրամ է։
Մրցաշարի բոլոր մանրամասներին կարող եք ծանոթանալ այստեղ։
IT Chess Cup-ը Հայաստանում անցկացվում է 2007 թվականից՝ Synergy Armenia-ի նախաձեռնությամբ։
