Республика Пуçлăхĕ Олег Николаев паян «Регнум» информаци агентствин тĕп редакторĕпе Модест Колеровпа тĕл пулчĕ. «Сăр чиккисене тунă паттăрла халăха сума суса тĕрлĕ курăмлă ĕçсем пурнăçланипе Раççейри кашни регион мухтанаймасть. Эсир ку енĕпе малта пыратăр», – терĕ Модест Колеров. Чăваш Енре архивпа ĕçлекен, унти пурлăха тишкерекен центр пуррине пĕлсен питĕ тĕлĕнтĕм. Çак институтра пысăк ĕç пурнăçлама пулать. Ку тĕслĕхе Федерацин Атăлçи тăрăхĕнче те сарма май пур терĕ информаци агенстствин тĕп редакторĕ Модест Колеров. Республика Пуçлăхĕ Олег Николаев: «Эсир пирĕн медиатытăмра 20 çул ĕçлетĕр, тĕрлĕ кăсăклă, усăллă проектсем хута яратăр», – терĕ. «Сăр тата Хусан хӳтĕлев чиккисене тунă паттăрсен ячĕсене ĕмĕрлĕхе асра хăварас пархатарлă ĕçе эпир те кӳлĕнме хатĕр, архиври çăл куçпа тивĕçтерме пултаратпăр», – терĕ Модест Колеров
