6 стаг велла коронавирусах, 542 цомгуш хилла Къилбаседа Кавказехь дийнахь-буса
Оьрсийчоьнан уьнна дуьхьалоечу Оперативан штабо бахарехь, Къилбаседа Кавказехь коронавирусах велла 6 стаг, хьакхаделла и ун кхин а 542 стагах.
Белларш бу: Дагестанера – 3 вахархо, Краснодаран-махкара, ГIебарта-Балкхаройчуьра, Ставрополан-махкара – цхьацца. Юьхьанца дуьйна велла Къилбаседа Кавказехь коронавирусах 635 стаг.
Уггаре дукха бахархой цомгуш хилла уьнах дийнахь-буса Кхарачой-Чергазийчохь – 99 вахархо.
Статистика ю иштта:
Кхарачой-Чергазийчоь +99 (верриг – 2255)
Дагестан + 95 (6652)
Ставропол-мохк + 82 (3759)
ГIебарта-Балкхаройчоь + 80 (3975)
Краснодар-мохк + 72 (5042)
ГIалгIайчоь + 36 (2623)
Къилбаседа ХIирийчоь + 34 (3581)
Адыгей + 29 (1340)
Нохчийчоь + 15 (1496)
Къилбаседа Кавказехь йоллучу хенахь коронавирус хьакхаелларг ву 30 723 вахархо, ерриг а Оьрсийчохь, Оперативан штабо Мангал-беттан 15-чу денна бечу хаамца - 537 210 стаг.