Риф Имамов – ел хәйриячесе
Ел саен республикада «Ел хәйриячесе» дип аталган конкурс үткәрелә. Бәйгенең 2015 ел җиңүчеләрен 14 апрель көнне башкалабызның «Корстон» күңел ачу үзәгендә бүләкләделәр. Тантанада Татарстан Президенты Рөстәм Миңнеханов та катнашты. Районнан әлеге чарага барган делегация составында район башлыгы Васил Хаҗиев, «Гигант» ҖЧҖ директоры Риф Имамов, Күзкәй авылыннан күп балалы Мурдиновлар гаиләсе дә бар иде.
Конкурсның «Кече эшмәкәрлек предприятиеләре» номинациясендә Риф Имамов җиңүгә иреште. Бүләкне аңа ТР Премьер-министры Илдар Халиков тапшырды.