Руслан белән Динар - Диния нәзарәте кубогына татарча көрәш призерлары
![Руслан белән Динар - Диния нәзарәте кубогына татарча көрәш призерлары](http://www.zainsk-rt.ru//media/k2/items/cache/926073371a3a3edfe2fe2ba9efda5dd2_S.jpg)
Чаллының “Витязь” спорткомплексында мөселман яшьләренең Татарстан мөселманнары Диния нәзарәте кубогына татарча көрәш һәм кул көрәше буенча чираттагы турниры оештырылды. Бәйгедә көч сынашу өчен төп таләп спортчының намаз әһеле булуы иде. Шуңа күрә алар үлчәнү тәлинкәсенә басканчы намаз гыйбадәтен белү-белмәүләре буенча тест үттеләр. Татарча көрәш бәйгесе быел 5 үлчәү категориясендә узды. Анда Зәйдә бер төркем көрәшче үзен сынады. Үз үлчәү авырлыгында Руслан Хәмидуллин – II, Динар Кәримов III урын алды.