Ռուսաստանի ԱԳՆ պաշտոնական ներկայացուցիչ Մարիա Զախարովան այսօր ասել է, որ Լավրովը հունիսի 8-ին աշխատանքային այցով կմեկնի Անկարա, որտեղ կհանդիպի թուրք պաշտոնակցին։
«Տեղի կունենա մտքերի փոխանակում տարածաշրջանային եւ միջազգային օրակարգի հարցերի, առաջին հերթին՝ Ուկրաինայի ներկա իրավիճակի, ինչպես նաեւ սիրիական, լիբիական, Լեռնային Ղարաբաղի կարգավորման եւ Բալկաններում, Աֆղանստանում եւ Կենտրոնական Ասիայի իրավիճակի շուրջ»,- նշել է նա։
Հունիսի 10-ին Սերգեյ Լավրովը Երեւանում կմասնակցի ՀԱՊԿ անդամ երկրների արտգործնախարարների խորհրդի նիստին, որին շրջանակներում նաեւ երկկողմ հանդիպումներ կունենա: