Катта ёш фарқига қарамасдан бирга бўлган турк машҳурлари
“Муҳаббат ёш танламайди” деган гапни турк шоу-бизнесидаги кўплаб жуфтликлар ўз ҳаётида исботлаб келмоқда. Ёш фарқи катта бўлса ҳам, ҳақиқий муҳаббат, ишонч ва ҳурмат бор жойда оила мустаҳкам бўлиб қолишини бу юлдузлар амалда кўрсатган.
Ўзжан Дениз ва Самар Дадгар
2023 йилда Ўзжан Дениз Самар Дадгар билан никоҳ қуриб, кўплаб мухлисларни ҳайратга солди. Аввал бошида кўпчилик актёр Фейза Актан билан ажрашгандан кейин яна оила қурмайди деб ўйлаган эди. Бироқ Самар билан муносабатлар тез орада муҳаббат билан бирга катта шов-шувларга ҳам сабаб бўлди. Ўзжаннинг оиласи бу муносабатни қабул қилмади, янги келинни манфаат учун турмуш қуряпти деб айблади. Шунга қарамай, барча низоларга қарамай, улар оила қуришди. Ҳатто актёрнинг аввалги никоҳидан бўлган ўғли ҳам янги оила муҳитига мослашиб кетди. Ўзжан эса ҳақиқий муҳаббатни айнан Самар ёнида топганини таъкидлайди.
Неслиҳан Атагул ва Кадир Доғулу
Неслиҳан Атагул ва Кадир Доғулу 2012 йилда танишган ва 2016 йилда никоҳ қурган. Улар ўртасида 10 йиллик ёш фарқи мавжуд. Гарчи улар ҳақида турли миш-мишлар тарқалган бўлса-да, Неслиҳан ҳар доим муносабатидан бахтли эканини айтган. 2025 йилда улар ота-она бўлиб, ўғил фарзандларини дунёга келтиришди.
Али Атай ва Ҳазал Кая
Али Атай ва Ҳазал Кая турк киносидаги энг барқарор оилалардан бири ҳисобланади. Улар 2014 йилдан бери бирга. Али рафиқасидан 14 ёш катта бўлса-да, бу уларнинг муносабатига ҳеч қандай таъсир кўрсатмаган. 2019 йилда уларнинг биринчи фарзанди — Фикрет Али дунёга келди, кейинроқ иккинчи фарзандлари Лейла туғилди. Жуфтлик оддий ҳаётни афзал кўради ва камдан-кам омма олдида чиқади, лекин ҳар доим бахтли эканини яширмайди.
Ҳалит Эргенч ва Бергузар Корел
Ҳалит Эргенч ва Бергузар Корел турк сериалларининг энг машҳур жуфтликларидан бири. Улар ҳақида турли миш-мишлар бўлса-да, муносабатлари ишонч ва меҳрга асосланган. Жуфтлик 2009 йилда турмуш қурган ва уч фарзанд — Али, Хон ва Лайлони тарбия қилмоқда. 12 йиллик ёш фарқига қарамай, уларнинг муҳаббати вақт синовидан ўтиб келмоқда.
Толгахан Сайишман ва Алмеда Абази
Толгахан Сайишман ва Алмеда Абази 2015 йилда муносабатларини ошкор қилишган. Улар орасида 10 йиллик ёш фарқи мавжуд. 2017 йилда никоҳ қуришган ва кейинроқ икки фарзандли бўлишган. Алмеда турмуш қургандан кейин карьерасини тўхтатган, лекин бу қарорни шахсий танлов сифатида изоҳлаган. Жуфтлик ҳақидаги ажрашиш миш-мишларига эътибор бермаслигини қайта-қайта исботлаб келмоқда.
Кенан Имирзалиоғлу ва Синем Кобал
Кенан Имирзалиоғлу ва Синем Кобал орасида 13 йиллик ёш фарқи мавжуд. Синем 2015 йилда актёрга турмушга чиққан ва бу қароридан ҳеч қачон афсусланмаганини айтади. Кенан эса оиласини ҳаётининг энг катта бахти деб билади. Улар бирга вақт ўтказишга ҳаракат қилади ва икки қиз фарзандни тарбия қилмоқда.