Мўжтабо Хоманаий: АҚШ ва Исроил товон тўлаши шарт
Эрон олий раҳбари Мўжтабо Хоманаий АҚШ ва Исроилдан мамлакатга етказилган зарарлар учун товон пули талаб қилинишини маълум қилди. Унинг сўзларига кўра, Эрон халқига қарши амалга оширилган ҳаракатлар жавобсиз қолмайди.
“Қаҳрамон Эрон халқи ушбу ҳал қилувчи урушда ғалаба қозонди. Бугун Эрон буюк давлатга айланиш арафасида турибди. Мамлакатимизга ҳужум қилган тажовузкорлар жазодан қочиб қутулмайди. Қўшниларимиз тўғри йўлни танлаши лозим, улар ёлғон ваъдаларга ишонмаслиги керак”, — деди Хоманаий.
Шунингдек, у Ҳўрмуз бўғози бўйича янги босқич бошланаётганини ҳам таъкидлади. Унинг айтишича, бу ҳудуддаги стратегик бошқарув Эрон позициясини янада кучайтиради.