АҚШ вице-президенти: Эрон билан эришилган сулҳ ҳозирча мўрт келишув ҳисобланади
АҚШ вице-президенти Жей Ди Венс Эрон билан тузилган ўт очишни тўхтатиш келишуви ҳозирча "мўрт" эканини тан олди ва Теҳроннинг урушдаги ғалаба даъволарини рад этди. Бу ҳақда у Будапештда Виктор Орбанни қўллаб-қувватлаш тадбирида сўзлаган.
Венснинг айтишича, айрим эронлик расмийлар ҳарбий ютуқлар ва келишувнинг ҳақиқий моҳияти ҳақида нотўғри маълумот тарқатмоқда. "Президент менга ва бутун музокаралар гуруҳига, жумладан Давлат котиби ва махсус вакил Стив Уиткоффга келишувга эришиш учун виждонан ишлашни буюрди. Агар эронликлар самимий ҳамкорлик қилса, келишувга эришамиз. Аммо улар алдашга ёки мўрт сулҳга халақит беришга уринадиган бўлса, натижадан мамнун бўлмайдилар", — деди АҚШ висе-президенти.