АҚШ Эронда Ф-15 экипажини қутқариш учун 176 та самолётни жалб қилган

Ўтган дам олиш кунлари АҚШ ҳарбийлари Эрон ҳудуди ичкарисида уриб туширилган Ҳарбий ҳаво кучларининг Ф-15E самолёти экипажини қутқариш учун юзлаб ходимлар ва қарийб 176 та самолётни жалб қилган. Бу ҳақда Ахиос нашри хабар берди.

Операцияга жалб қилинган техникалар орасида бомбардимончилар, қирувчи самолётлар, ёнилғи қуйиш танкерлари, вертолётлар ва учувчисиз учиш аппаратлари бўлган.

Доналд Трампнинг сўзларига кўра, айнан қурол-яроғ тизимлари офицерини қутқариш учун 155 та ҳаво кемаси талаб қилинган. Уларнинг асосий қисми Эрон кучларини чалғитиш ва адаштириш мақсадида сафарбар қилинган. Операция етти хил нуқтада олиб борилган, бироқ уларнинг фақат биттаси ҳақиқий бўлган.

Қутқарув операцияси давомида АҚШ бир нечта самолёт ва вертолётларидан айрилган.

АҚШ бундан аввал Қувайтнинг Ф/А-18 Ҳорнет самолёти иштирокидаги ҳодисада учта Ф-15 самолётини йўқотган эди.

Шунингдек, шу вақтга қадар ўндан ортиқ МҚ-9 Реапер дронлари, Эроннинг Саудия Арабистонидаги базага ҳужуми натижасида битта E-3 Sentry (узоқ масофадан аниқлаш самолёти) ва Ироқ осмонидаги ҳалокатда битта КC-135 Стратотанкер йўқотилган.