Туркияда 61 ёшли эркак ўзини "Исо Масиҳ" деб эълон қилди
Туркиянинг Қорабук шаҳрида 61 ёшли Маҳмуд Д. ўзини "Исо Масиҳ" деб эълон қилиб, уйи деворларига ва томига бир қатор ёзувлар ёзиб чиқди. Унинг ёзувлари орасида "Масиҳ", "Пайғамбар", "35", "66" ва "Исо" сўзлари мавжуд. Бу воқеа ҳақида "Milliyet" газетаси хабар берди.
Таъкидланишича, ҳодиса Байир маҳалласи Боғлар кўчасида содир бўлган. Қўшнилардан келган шикоятлар орқали полиция ва шаҳар ҳокимияти ходимлари ҳодиса жойига келган. Улар Маҳмуд Д.дан ёзувларни олиб ташлашни сўраган, шундан сўнг эркак бўёқ олиб, ёзувларни ўзи ўчирган.
Маҳмуд Д. ўзининг ҳаракатларига аниқ изоҳ бериб, "Мен ёлғончи Масиҳларнинг чиқишига ва мени ёмонлашишга уринмоқчи бўлганларини айтаман. Бу иш ҳазил эмас. Аллоҳ менга ваҳий юборди, мен буни йиллардан бери айтиб келяпман" деб изоҳлаган.
У, шунингдек, 6 ёшидан бери оиласи атрофида қандайдир кучлар томонидан қуршовга олинганини ва бу воқеа бир неча йилдан бери бошланганини айтиб ўтган.
Маҳмуд Д.нинг таъкидлашича, "Яҳудийлар Довуд наслидан бўлган Исо Масиҳни кутмоқда, насронийлар Марям ўғли мени – Исо Масиҳни кутмоқда, мусулмонлар ҳам Исо Масиҳни кутяпти".