Хитой компаниялари АҚШ ҳарбий маълумотларини сотмоқда — The Washington Post
Яқин Шарқдаги можаролар фонида янги ва хавотирли ахборотлар пайдо бўлмоқда. The Washington Post газетаси хабарига кўра, Хитой армиясига алоқадор айрим компаниялар АҚШ ҳарбий фаолиятига оид маълумотларни қайта ишлаб, уларни сотиш билан шуғулланмоқда.
Манбада айтилишича, мазкур компаниялар сунъий интеллект технологияларидан фойдаланиб, АҚШнинг ҳарбий техникаси ва операциялари ҳақидаги очиқ маълумотларни таҳлил қилади. Сўнгра ушбу маълумотлар тижорат мақсадларида глобал интернет тармоқлари орқали тарқатилади.
Хусусан, гап АҚШнинг хорижий ҳарбий базалари, авиаташувчи гуруҳлари ҳамда Теҳронга қарши эҳтимолий ҳаво ҳужумларига тайёргарлик ҳақидаги маълумотлар устида кетмоқда.
Мутахассислар фикрича, бу каби ҳаракатлар ахборот хавфсизлиги ва ҳарбий сирларни ҳимоя қилиш масаласини янада долзарб қилиб қўймоқда. Шу билан бирга, сунъий интеллект технологияларининг ҳарбий соҳада қўлланилиши янги хавф-хатарларни ҳам келтириб чиқараётгани таъкидланмоқда.
Айни пайтда бу ҳолат бўйича расмий муносабатлар билдирилмаган, бироқ мавжуд маълумотлар халқаро даражада жиддий муҳокамаларга сабаб бўлиши мумкин.