Германияда 45 ёшгача бўлган эркаклар учун хорижга чиқиш чеклови жорий этилди
Германияда 45 ёшгача бўлган эркаклар эндиликда мамлакатдан уч ойдан ортиқ муддатга махсус рухсатсиз чиқиши тақиқланди. Бу ҳақда Berliner Zeitung нашри хабар берди.
Қоидага кўра, сафар мақсади қатъий фарқ қилмасдан — ўқиш, иш ёки узоқ муддатли саёҳат бўлишидан қатъи назар — уч ойдан кўп вақтга чет элда бўлишни режалаштирган эркаклар махсус рухсатнома олишлари шарт.
Германия ҳукумати 2035 йилга келиб ўз қуролли кучлари сонини ҳозирги 184 минг кишидан 255–270 мингга оширишни мақсад қилган. Шу муносабат билан жорий этилган чеклов ҳарбий хизматга яроқли шахсларни назоратда ушлаб туриш ва эҳтимолий сафарбарлик имкониятини кафолатлашга йўналтирилган.