Эроннинг В1 кўпригига ҳужум: 13 киши ҳалок бўлди
Теҳрон ва Караж шаҳарларини боғловчи Эроннинг В1 кўпригига амалга оширилган ҳужум натижасида ҳалок бўлганлар сони 13 кишига етди. Ушбу хабарни Эроннинг Mehr ахборот агентлиги тасдиқлади.
Пайшанба куни оммавий ахборот воситалари В1 кўпригига АҚШ ва Исроил томонидан амалга оширилган зарба ҳақида хабар берган эди. Ўша пайтда Tasnim ахборот агентлиги саккиз киши ҳалок бўлганини ва 95 киши жароҳатланганини маълум қилган эди.
Меҳр агентлигининг хабарига кўра, ҳужум натижасида 13 киши шаҳид бўлган ва ҳодиса юзасидан расмий текширувлар давом этмоқда.