Трамп АҚШ операцияси яқин ҳафталарда якунланишини маълум қилди
АҚШ президенти Доналд Трамп Яқин Шарқдаги ҳарбий операция яқин 2–3 ҳафта ичида якунланишини маълум қилди. Унинг сўзларига кўра, амалга оширилган ҳаракатлар натижасида асосий мақсадларга эришилган.
Трампнинг таъкидлашича, АҚШ Эроннинг ядро қуроли яратиш имкониятини деярли йўққа чиқарган. Шунингдек, у мамлакат ичида “вазминроқ етакчилар” ҳокимиятга келганини ҳам қайд этди.
Оқ уй раҳбари Вашингтон Теҳрон билан келишувга эришиш ёки эришмаслигидан қатъи назар, операцияни якунлаб, минтақадан чиқиб кетишини билдирди. Унинг фикрича, операцияни давом эттириш учун зарурат қолмаган.
“Эроннинг иқтисодиёти ва ҳарбий қудрати сезиларли даражада заифлаштирилди”, — дея қўшимча қилди Трамп.
Шу билан бирга, АҚШ президенти бугун, маҳаллий вақт билан соат 21:00 да Эрон масаласи юзасидан халққа мурожаат қилиши кутилмоқда.