Пентагон Эронга қарши "қатъий якуний зарба" беришга тайёрланмоқда
Пентагон Эронга қарши "қатъий якуний зарба" беришга тайёрланмоқда. Бу ҳақида Axios хабар берди. Манбаларга кўра, тўртта вариант кўриб чиқилмоқда:
1. Эрон нефт экспортининг асосий маркази бўлган Харг оролига бостириб кириш ёки уни блокировка қилиш;
2. Теҳронга Ҳормуз бўғози устидан назоратни мустаҳкамлашга ёрдам берадиган Ларак оролига бостириб кириш. Унда бункерлар, ҳужум кемалари ва бўғоздаги ҳаракатни кузатувчи радарлар жойлашган;
3. Эрон томонидан назорат қилинадиган, аммо БАА томонидан ҳам даъво қилинадиган стратегик Абу Муса оролини ва бўғознинг ғарбий кириш қисми яқинида жойлашган иккита кичик оролни эгаллаб олиш;
4. Ҳормуз бўғозининг шарқий томонидан Эрон нефтини экспорт қилувчи кемаларни блокировка қилиш ёки эгаллаб олиш.
Пентагон шунингдек, Эронда юқори даражада бойитилган уранни ўз ичига олган объектларни эгаллаб олиш учун ер усти операциялари режаларини ишлаб чиқди.