Каннаваро мундиалда ғалаба учун барча имкониятларни эшикда ушлади...
FIFA Series халқаро турнири бошланиши олдидан Ўзбекистон миллий терма жамоаси бош мураббийи Фабио Каннаваро матбуот анжуманида иштирок этиб, журналистларга барча муҳим жиҳатларни очиқ ва батафсил тушунтирди.
“Хайрли кун ҳаммага. Аввало кечикканимиз учун узр, кўча-йўлдаги тирбандлик сабаб биз анжуманга кеч қолдик,” — деди Каннаваро.
Унинг сўзларига кўра, эртанги ўйинлар жамоа учун стратегик аҳамиятга эга ва улар майдонга ғалаба қозониш учун тушади. Шунингдек, бош мураббий таркибдаги барча футболчиларга имконият беришни режалаштирганини таъкидлади.
Каннаваро яримҳимоячилар кўплигини ўз тактик режаларини амалга оширишдаги қулайлик сифатида баҳолади. “Беллашув вақтида айнан улар темпни бутунлай ўзгартириб, жамоага катта афзаллик бера олади,” — деди у.
Габон сафидаги Обамеянгнинг йўқлиги терма жамоа учун катта муаммо бўлмайди. Каннаваро фақат жамоасига эътибор қаратмоқда ва ғалаба учун барча кучни сафарбар этишини таъкидлади. Шу билан бирга, у Обамеянгни дунёдаги энг кучли ҳужумчилардан бири сифатида эътироф этди.
Бош мураббий жисмоний тайёргарликка ҳам алоҳида эътибор қаратяпти. “Жаҳон чемпионатида осон ўйин бўлмайди. Агар кимдир осон беллашув кутаётган бўлса, у катта адашишда,” — деб ҳушдор қилди Каннаваро.
Португалия ва Колумбия жамоалари мусобақадаги энг кучли рақиблар қаторида. Шу боис, барча футболчиларнинг имкониятлари текширилиб, пухта тайёргарлик кўрилмоқда.
Эрондаги вазият эса ачинарли, аммо футболчилар вақтида жамоа билан қўшилишга муваффақ бўлди. “Ҳозир уларнинг ўйин амалиёти йўқ, лекин қўлдан келганича ёрдам берамиз,” — деди Каннаваро ва умид билдирдики, барчаси жойида бўлади.
Жароҳатдаги футболчилар ҳолати ҳам доимий назоратда. Терма жамоа сафини тўлдириш учун уларнинг тикланишига барча имкониятлардан фойдаланилмоқда. Аммо ҳозирча уларнинг мундиалда қатнашиши ҳақида аниқ маълумот йўқ.
"Жароҳатдаги футболчиларнинг ҳолатини кузатиб боряпмиз. Улар сафга қайтишлари учун қўлдан келганча ҳаракат қилиняпти. Айни вақтда эса уларнинг мундиалда иштирок этиши борасида аниқ ҳеч нарса айта олмайман",— деди Каннаваро.
Каннаваро сўзларини хулоса қилганда, Ўзбекистон миллий терма жамоаси турнирда ғалаба учун тайёр ва барча қийинчиликларга қарамай, мураббий жамоанинг имкониятларини максимал даражада ишга солмоқда.