Дилноза Кубаеванинг энг кўп қийналган фильмидаги роли қайси?
Машҳур актриса Дилноза Кубаева суратга олинган “Телба” филми кадр ортидаги қийинчиликлар ҳақида фикр билдирди. Интервьюсида у саҳналарни суратга олиш жараёнида дуч келган синовлар ва машаққатларни очиқ сўзлар билан тасвирлади.
“Мен билан гонарорни шундай талашганлар, ҳаммасига кўз юмиб, шунча пул ҳаммаси чиқиб кетган. Буни сўз билан тасвирлаб беролмайман. 2008 йил ёмон совуқ бўлган, ҳар бир диалогда тутун чиқиб турибди. Ўлганнинг устига тепган қилиб, ёмғир саҳнасида ўт ўчирувчиларнинг сув пуркагичида фойдаланамиз дейишган. Жуда катта босимда ёмғир саҳнаси бўлган, афсуски, ёмғир секин ёғмайди, босим билан беришади. Ўзи совуқ, яна устимиздан ёмғир қуйиши керак бўлади. Шунақа қийналганман, ман бунақа қийналганимни эслолмайман,” – дейди актриса.
Кубаева ўз сўзларида фильм суратга олиш жараёнида юзага келган табиий шароитлар, техника ва махсус эффектлар туфайли юзага келган қийинчиликларни очиқ баён қилди. Бу эса кино оламида актёрлар дуч келадиган реал синовлар ва машаққатларни томошабинларга яқиндан тушунтиради.