Қораўзакда “уддабурон” жамият вакилидан жиноий жарима ундирилди
Фуқаро У.Қ. ўзининг бошқарувидаги жамиятда ғаллачилик кластери фаолияти билан шуғулланиб, банк олдидаги мажбуриятини бажармаслик мақсадида, фермер хўжаликлари томонидан топширилган 425 млн. сўмлик ғалла маҳсулотларини ўзининг бошқарувидаги бошқа жамиятлар орқали сотиб, сотувдан тушган пул маблағларини бошқа мақсадларда сарфлаганлиги оқибатида банкка кўп миқдорда зарар етказган.
Шу сабабли, у Жиноят ишлари бўйича Қораўзак туман судининг 29.11.2025 йилдаги ҳукми билан Ўзбекистон Республикаси ЖКнинг 192-11-моддасида назарда тутилган жиноятни содир этган деб топилиб, унга нисбатан БҲМнинг бир юз эллик баравари, яъни 56 250 000 сўм жарима жазоси тайинланган.
Ушбу ҳукмга асосан чиқарилган ижро варақаси Мажбурий ижро бюроси Қораўзак туман бўлими иш юритувига келиб тушган ва бўлим давлат ижрочилари томонидан ижро ҳаракатларига киришилган.
Хусусан, қарздорнинг Ўзбекистон Республикасидан ташқарига чиқиш ҳуқуқига нисбатан чеклов ўрнатилиб, ундирув унинг иш ҳақига қаратилган.
Шундан сўнг, фуқаро томонидан ушбу 56,2 млн. сўмлик жарима тўлиқ тўлаб берилган.