Хитой олимлари стронций атомлари орқали янги оптик соат яратди
Фото: Getty images
Хитой илмий-техника университети тадқиқотчилари стронций атомларидан фойдаланиб, замонавий оптик соат ишлаб чиқишди. Ушбу асбоб шунчалик юқори аниқликка эга бўлдики, унда бир сониялик хатолик 30 миллиард йил давомида юзага келиши мумкин, бу Коинотнинг ёшидан ҳам узоқроқ ҳисобланади. Экспертлар фикрича, бу инқилобий асбоб секундни аниқлаш ва вақт ўлчамини қайта кўриб чиқиш заруратини яратиши мумкин.
Science Alert нашри таъкидлашича, илгари сония сутканинг 1/86400 қисми сифатида белгиланган бўлиб, бу таъриф ҳозирда етарлича юқори аниқликка эга эмас деб топилган. 1967 йилдан бери Халқаро бирликлар тизимида секунд цезий-133 атомининг асосий ҳолатининг иккита ўта нозик энергетик даражаси ўртасидаги ўтиш даврига тенг деб ҳисобланади — бу 9,192,631,770 нурланиш циклига мувофиқ келади.
Стронций атомлари эса бир сонияда тахминан 700 миллиард нурланиш циклини таклиф қилади ва бу орқали секунднинг янада юқори аниқликдаги ўлчовлари амалга оширилади. Бундай замонавий технологиялар сунъий йўлдош навигацияси, телекоммуникация, аниқ ва юқори сифатли ўлчовлар учун муҳим аҳамиятга эга.
Шунингдек, стронций оптик соати физиканинг фундаментал назарияларини текшириш, тортишиш тўлқинларини аниқлаш, қора материяни қидириш ва бошқа илмий тадқиқотларда ҳам қўлланилиши мумкин. Ушбу кашфиёт келгуси йилларда замонавий технология ва аниқ фанлар соҳасида янги имкониятлар очади.