Россияда Chevrolet Captiva кроссовери қайта сотувга чиқди
Россия автомобиль бозорида кўпчиликка яхши таниш бўлган Чевролет Cаптива кроссовери яна пайдо бўлди. 2006 йилдан 2015 йилгача расман сотилган ушбу модель эндиликда Бирлашган Араб Амирликларидан импорт қилинмоқда. Автомобиль ҳам беш, ҳам етти ўриндиқли вариантларда харидорларга таклиф этилмоқда. Бу ҳақда avtonovostidnya.ru хабар беради.
Янги Cаптива нархи 2 150 000 рублдан бошланади. Бу кўрсаткич уни худди шу синфдаги Хитой автомобилларига нисбатан анча ҳамёнбоп қилади. Масалан, Черй Тигго 8 Про Мах, Геелй Окаванго ёки GAC GS8 каби моделларни сотиб олиш учун харидорлар 3 300 000 рублдан ортиқ маблағ сарфлашларига тўғри келади.
Техник жиҳатдан кроссовер 147 от кучига эга 1,5 литрли бензинли турбомотор ва вариатор узатмалар қутиси билан жиҳозланган. Барча моделлар фақат олдинги узатмали тизимга эга. Комплектациясига қараб, автомобиль чарм салон, LED оптика, иқлим назорати, круиз назорати, 360 даражали кўриниш тизими ва бошқа қулайликлар билан таъминланган.
Ҳозирги кунда Россиянинг турли шаҳарларида ушбу моделни буюртма асосида ёки тайёр ҳолда харид қилиш имконияти мавжуд. Нархлар етказиб бериш ва божхона расмийлаштируви харажатларига қараб 2 790 000 рублгача етиши мумкин. Мутахассисларнинг фикрича, Cаптива ўзининг амалийлиги ва оилавий автомобиль сифатидаги қулайлиги билан харидорлар эътиборини тортишда давом этади.