Ўзбекистонда ҳаво ҳарорати кескин пасайиши кутилмоқда
Ўзбекистон ҳудудига навбатдаги совуқ ва нам ҳаво оқими кириб келиши кутилмоқда. Синоптиклар берган маълумотларга кўра, 9 мартдан 12 март кунларига қадар мамлакатимизда об-ҳаво шароити кескин ўзгаради. Баҳор фаслининг илк кунларида кузатилган илиқ об-ҳаво ўрнини қишки совуқлар эгаллайди.
Прогнозларга кўра, 9 мартдан 11 мартга қадар республиканинг айрим ҳудудларида ёмғир ёғиб, кейинчалик у қорга айланиши мумкин. Баъзи жойларда ёғингарчиликлар кучли бўлиши эҳтимоли бор. Шу боис, ҳайдовчилар ва пиёдалардан йўлларда эҳтиёткор бўлиш сўралади.
Ҳароратнинг пасайиши айниқса 10 мартдан 12 март кунларига тўғри келади. Бу даврда ҳаво ҳарорати сезиларли даражада совиб, кечалари 10 даражагача совуқ, кундуз кунлари эса 3 даражагача совуқ бўлиши кутилмоқда. Мутахассислар аҳолини ушбу даврда иссиқроқ кийинишга ва саломатликни асрашга чақирмоқда.