Ўзбекистон олтин захиралари бўйича дунёда 14-ўринни эгаллади
Ўзбекистон олтин захиралари ҳажми 390,3 тоннага етиб, дунё рейтингида 14-ўринни эгаллади. Бу ҳақда Жаҳон олтин кенгаши ҳисоботида қайд этилди.
Таҳлилларга кўра, республика бу кўрсаткич билан Португалияни (382,7 тонна) ва Қозоғистонни (341 тонна) ортда қолдирган. 2025 йилнинг ўзида Ўзбекистон 7,8 тонна қимматбаҳо металл сотиб олган. 2020–2025 йиллар оралиғидаги умумий харид эса 54,4 тоннага тенг бўлган.
Жаҳон миқёсида 2025 йилда олтин хариди бўйича Польша етакчига айланган: мамлакат Марказий банки бир йилда қарийб 102 тонна олтин жамлаган. Кейинги ўринларда Қозоғистон (57 тонна) ва Озарбайжон (53,4 тонна) келади. Бразилия ҳамда Туркия ҳам етакчи бешликдан жой олган.
Олтин нархи ҳам кескин сакради: 2025 йил бошида бир унция тахминан 2 800 доллар атрофида бўлган бўлса, 2026 йил бошида 5 000 доллардан ҳам ошиб кетгани айтилади. Ўтган йили асосий сотувчилар сифатида Сингапур (26,4 тонна) ва Россия (6,2 тонна) тилга олинган, узоқ муддатда эса Хитой 2020 йилдан бери 358 тонна билан энг йирик харидор бўлиб қолмоқда.
Энг катта захира АҚШда — 8 100 тонна. 2026 йил 1 февраль ҳолатига кўра, Ўзбекистоннинг олтин-валюта захиралари 75 млрд долларга чиққани, шундан 65 млрд доллари олтин қиймати ҳисобига тўғри келиши маълум қилинган. Бу тренд давом этса, Ўзбекистоннинг рейтингда янада юқорилаш имкония катта.