Қорақалпоғистон ва Хоразмда газ меъёри 15 мартгача узайтирилди
Қорақалпоғистон Республикаси ва Хоразм вилоятида табиий газ учун иситиш мавсумида белгиланган базавий меъёр 2026 йил 15 мартгача узайтирилди, деб Энергетика вазирлиги хабар берди.
Қайд этилишича, "Ўзгидромет" прогнозларига кўра, март ойининг дастлабки 15 кунида ушбу ҳудудларда ҳаво ҳарорати паст бўлиши кутилмоқда. Шу боис аҳолини қўллаб-қувватлаш мақсадида тегишли қарор қабул қилинган.
Маълумотларга кўра, президент топшириғи асосида Вазирлар Маҳкамаси иситиш мавсуми учун белгиланган 500 куб метрлик базавий меъёрни айнан Қорақалпоғистон ва Хоразм учун узайтирган.
Шу тариқа, мазкур меъёр ушбу икки ҳудудда 2026 йил 15 мартгача амал қилади.