Эрон терма жамоаси ЖЧ-2026дан чиқиб кетиши мумкин
ЖЧ-2026 йўлланмасини муддатидан аввал ҳал қилган Эрон терма жамоаси мусобақада иштирок этишдан воз кечиши эҳтимоли бор. Бу ҳақда мамлакат футбол федерацияси раҳбари Меҳди Тож маълум қилди. Бу ҳақда euro-football.ru хабар беради.
Телеэфирда чиқиш қилган Тож АҚШ ва Исроил иштирокидаги кескинлашган вазият фонида жаҳон чемпионатига умид билан қараш қийинлигини таъкидлади. Унинг айтишича, якуний қарор спорт раҳбарлари томонидан қабул қилинади.
Маълумот учун, Эрон гуруҳ босқичидаги учта ўйинни АҚШда ўтказиши керак: Янги Зеландия, Бельгия ва Мисрга қарши. Бундан ташқари, 1/16 финалда эронликларнинг АҚШ билан тўқнаш келиши эҳтимоли ҳам борлиги қайд этилмоқда, бу эса ФИФА учун қўшимча бошоғриқ келтириши мумкин.
Шунингдек, Эронда миллий чемпионат номаълум муддатга тўхтатилган. Бир қатор легионерлар мамлакатни тарк этган ёки кетишга уринмоқда.