Петр Чех хоккейда ҳам АПЛдаги ҳаяжонни ҳис қилмоқда
Чехия терма жамоасининг собиқ дарвозабони Петр Чех футболчилик фаолиятини якунлагач, спортдаги яна бир иштиёқи — хоккей ҳақида гапирди. У сўнгги йилларда Буюк Британия хоккей чемпионатида бир нечта жамоалар сафида тўп суриб, ўзини мутлақо бошқа муҳитда синаб кўрмоқда. Бу ҳақда euro-football.ru хабар беради.
Чехнинг таъкидлашича, 20 йилини футболга бағишлаганидан кейин спортнинг бошқа қиррасини ҳис қилиш унинг учун жуда қизиқарли тажриба бўлган. The Telegraph нашри келтирган фикрларга кўра, у бошқа спорт турида ҳам худди шундай рақобат ва масъулиятни ҳис қилаётгани, бу чақириқ эса ниҳоятда ҳаяжонли эканини айтган.
“Мен АПЛда ўйнагандагидек ҳаяжонни сезаман. Албатта, бу ерда тикилган нарса унчалик катта эмас, лекин мен барибир машғулот қиламан ва ўйнайман. Қандай иш қилсам, уни имкони борича энг юқори даражада бажаришни хоҳлайман”, — дея қўшимча қилган Чех.
Петр Чех футболчилик даврида “Челси” билан бирга Лондоннинг “Арсенал” клубида ҳам ўйнаган. Шунингдек, у фаолияти давомида “Ренн” ва Прагадан “Спарта” сафида ҳам майдонга тушган.