Юрген Клопп «Реал»га келиш учун шартларини билдирди
Дортмунднинг «Боруссия»си ва «Ливерпул»нинг собиқ бош мураббийи Юрген Клопп Мадриднинг «Реал» клубига мумкин бўлган ҳамкорлик бўйича бир қатор талабларни илгари сурди. Бу ҳақда euro-football.ru хабар беради.
Аввалроқ «қироллик клуби» немис мутахассисини бош мураббийликка таклиф қилишга тайёр экани, Клопп эса бу вариантни кўриб чиқиши мумкинлиги ҳақида хабарлар тарқалган эди.
Topskills Sports UK манбасига кўра, Клопп «Реал»га кадрлар сиёсати бўйича ўз позициясини дарҳол етказган. У жамоага икки нафар янги марказий ҳимоячи, икки ярим ҳимоячи зарурлигини таъкидлаган, шунингдек, ҳужумчи Эндрикни қайтариш масаласини ҳам кўтарган.
Бундан ташқари, Клопп таркибдаги айрим ўзгаришларни ҳам режалаштирмоқда: хабарда айтилишича, у Жуд Беллингем ва Эдуардо Камавинга билан хайрлашиш ниятида.
Манбага кўра, Клопп клуб билан музокаралар бошидаёқ ўз шартларини очиқ айтишни муҳим деб билган.