«Ювентус» Спаллетти билан 2028 йилгача келишувга яқин
«Ювентус» бош мураббийи Лучано Спаллетти клуб билан янги шартнома имзолаш арафасида турибди. Бу ҳақда euro-football.ru хабар беради.
Аввалдан кутилганидек, туринликлар раҳбарияти жамоанинг Чемпионлар лигасида плей-офф саралаш босқичида мусобақани тарк этганидан чўчимади. Инсайдер Николо Скиранинг хабарига кўра, томонлар 2028 йилгача мўлжалланган битим шартлари бўйича принципиал келишувга эришган. 66 ёшли мутахассисга яна икки номаълум хорижий клуб ҳам қизиқиш билдирмоқда, бироқ у яқин ҳафталарда «Ювентус» билан шартномага имзо қўйиши кутилмоқда.
Спаллетти ўтган йил октябрь ойининг охирида «Ювентус»ни қабул қилиб олганди. Унинг амалдаги келишуви мавсум якунида якунланади.