Баварияда фақат Николас Жексон норози бўлиб турибди
Мюнхеннинг «Бавария» клубида ҳужумчи Николас Жексон ўз роли ва майдондаги имкониятларидан қониқмаяпти. Бу ҳақда euro-football.ru хабар беради.
Bild нашри маълумотига кўра, сенегаллик футболчи жамоада ўйин амалиёти камлигидан норози бўлаётган ягона ўйинчи. Унинг кайфияти ва норозилиги жамоа ичида ҳам сезилмоқда. Қолган футболчилар эса чекланган ролига кўникиб, кўпроқ ўйнаш имконини меҳнат билан қўлга киритишга уринмоқда.
«Бавария» Жексонни 2025 йил сентябрида «Челси»дан мавсум охиригача 16 миллион евро эвазига ижарага олганди. Келишувда 65 миллион еврога тўлиқ трансфер қилиш опцияси ҳам бор. Жорий мавсумда у барча мусобақаларда 22 ўйинда майдонга тушиб, 5 та гол урди ва 1 та голли узатма берди.