Дани Олмо «Барселона» Чемпионлар Лигаси учун нима кераклигини билади
«Барселона» ярим ҳимоячиси Дани Олмо жамоасининг жорий мавсум Чемпионлар Лигасидаги имкониятлари ҳақида фикр билдирди. Бу ҳақда euro-football.ru хабар беради.
Каталонияликлар 1/8 финалда «Ньюкасл» ёки «ПСЖ»дан бирига қарши майдонга тушади. Ўтган мавсум «кўк-анорранглилар» ярим финалгача етиб борган, бироқ бу босқичда Миланнинг «Интер» жамоасига ютқазиб қўйганди.
Олмо жамоа услуби билан Чемпионлар Лигасини ютиб бўлмаслиги ҳақидаги гаплар уни ранжитишини айтди. Унинг таъкидлашича, «Барселона» ғалаба учун қайси жиҳатларни кучайтириш кераклигини аниқ тушунади.
1/8 финал қуръаси жума куни, 27-февраль куни бўлиб ўтади. Ушбу босқичнинг илк учрашувлари 10–11-март кунларига, жавоб ўйинлари эса 17–18-март кунларига белгиланган.