Анри «Интер»нинг «Будё-Глимт»га қарши ўйинини кескин танқид қилди
Туриннинг «Ювентус» ва Лондоннинг «Арсенал» клубларида тўп сурган собиқ ҳужумчи Тьерри Анри Миланнинг «Интер» жамоасини Норвегиянинг камтар «Будё-Глимт»ига қарши баҳсдан сўнг қаттиқ танқид қилди. Унинг фикрича, «Интер» жавоб учрашувида жуда суст кўринди. Бу ҳақда euro-football.ru хабар беради.
Анри «Интер» ўз даражасини кўрсата олмади, жамоа секин ва олдиндан тахмин қилиш осон бўлган тарзда ҳаракат қилди, деди. Унга кўра, майдонда ҳеч ким ташаббусни қўлга олиб, ўйинни ўзгартиришга уринмади ва миланликлар ўзини топ-клуб сифатида намоён эта олмади.
Шу тариқа, Чемпионлар лигасида Италиядан фақат битта жамоа — «Аталанта» қолиб кетди.