Масип Флик давридаги «Барселона» янги босқичга чиққанини айтди
«Барселона» президенти Жоан Лапортанинг маслаҳатчиси Энрик Масип жамоа бош мураббийи Ханс-Дитер Фликнинг ишлари ҳақида фикр билдирди. Бу ҳақда euro-football.ru хабар беради.
Немис мутахассиси ўтган ёзда каталонияликлар билан иш бошлаган. Унинг илк мавсумида «Барселона» Испания ичидаги учта совринни ҳам қўлга киритди, жорий мавсумда эса аллақачон Суперкубокни ютиб улгурди.
Масипнинг таъкидлашича, Флик билан «Барселона» ўйин сифати ва мукаммаллик борасида янги даражага кўтарилди. Унга кўра, мухлислар яна футболчилардан фахрланмоқда, Ламин Ямал ва бошқа юлдузлар билан ўзини яқин ҳис қилмоқда.
Маслаҳатчи клуб келажаги ҳақида ҳам оптимистик фикрлар билдириб, «Камп Ноу» бўйича янги лойиҳа ортиқча таваккалчиликсиз йўлга қўйилганини айтди.
Масипнинг сўзларига кўра, тахминан бир ярим йилдан кейин «Барселона» дунёдаги энг яхши стадионга эга бўлади. Ушбу фикрларни Barca Universal нашри келтирди.
15 март куни клубда янги президент сайлови бўлиб ўтади.