Туркиядаги учрашувда футболчи чайқани қутқариб қолди
Туркияда ўтган «Мевланакапы Гузелҳисар» ва «Истанбул Юрдум Спор» жамоалари ўртасидаги баҳсдан олинган видео ижтимоий тармоқларда тез тарқалди. Лавҳада дарвозабон тўпни узоқлаштирмоқчи бўлади, бироқ у майдон устида учиб ўтаётган чайқага тегиб кетади. Бу ҳақда euro-football.ru хабар беради.
Қуш ерга қулаши билан ҳар икки жамоа футболчилари унинг ёнига югуриб боради. «Истанбул Юрдум Спор» сардори Гани Чатан вазиятни тез англаб, чайқага билвосита юрак массажи қилишни бошлайди, сўнгра қушни майдон четидаги тиббиёт ходимларига топширади.
Туркиянинг AA нашри хабарига кўра, чайқа омон қолган. Бир муддат уча олмаса-да, ветеринарларга топширилгач, қушнинг аҳволи аста-секин яхшиланиши кутилмоқда.