Норвегия клуби «Сан-Сиро»да яна тарих яратди
Европа Чемпионлар лигасида «Интер» омадсиз серияни давом эттирди: румин мутахассиси Кристиан Киву бошқарувидаги миланликлар норвегиялик «Буде-Глимт»га икки учрашувда ҳам имкониятни бой берди. Жавоб баҳси эса «Интер»нинг ўз майдони — «Сан-Сиро»да мағлубият билан якунланди. Бу ҳақда euro-football.ru хабар беради.
Қизиғи, норвег клублари учун «Сан-Сиро» Чемпионлар лигасида аввал ҳам омадли стадион бўлган. Қарийб 30 йил аввал, 1996 йил декабрида «Русенборг» ҳам худди шу аренада «Милан»ни 2:1 ҳисобида таслим этиб, шов-шувли натижа қайд этганди.
Ўша ғалаба гуруҳ босқичи доирасида бўлган, бироқ аҳамияти ниҳоятда катта эди: сўнгги турда юз берган мағлубият «Милан»нинг турнирдан чиқиб кетишига сабаб бўлганди.